هذا كلامٍ جاد به هوجاسيللاهل والاقراب والاحباب
كتبتها لحاجةٍ في راسي
وماقلتها ادور على إعجاب
خط القلم واكتب على الكرّاسي
وافهم كلامي واحفظه بكتاب
خلك على حقك شديد وقاسي
ماضاع حق وصاحبه طلّاب
واليا جلست الزم هل النوماسي
تكبر بعين اعداك والاصحاب
واحذر تلاقي ضيفكم بعباسي
رحب وهلّي وزوّد الترحاب
والزم صلاتك تسترك بلباسي
هيّ دواك وللنجاة اسباب
ثم والدينك حطهم عالرّاسي
تكسب رضا من هازم الاحزاب
وقطع الرحم من اكبر المآسي
واللي وصلهم مابعمره خاب
واحذر تبيّن حاجتك للنّاسي
من باح بهمومه ترى ينعاب
واملي الصحن لمعرّبين الساسي
وخلك شجاع وفارسٍ مايهاب
وإبعد عن النّمام والحوّاسي
اللي بعمره غانمه ماجاب
واتبع خُطى الصلفين والفرّاسي
تصبح جميل معطر الاثياب
ومن رافق الزينين مايحتاسي
والّا الرّخم مايوصّلك للباب
ترى الخوي مرايه ومقياسي
لك في عيون الناس والأغراب
ومن شاور النسوان في وسواسي
ماله مكان اليوم بالإعراب
باسبابهن ثارت حرب جساسي
والزير سالم حرّم الشراب
وصلاة ربي عاحمد النبراسي
شفيعنا ومخفّف العذاب
بقلم : أ.احمد عواد سعد الخوالدة
شاهد المزيد
